2026 жылғы 29 мамыр                                                                     Павлодар қ.

«Fantasy jazz. Дала әуендері…»

Филармонияның 85 жылдығына – 85 үздік концерт

Құрметті павлодарлықтар және қала қонақтары!

Иса Байзақов атындағы филармония сіздерді «Құрмет» орденінің кавалері, маэстро Виктор Шейкиннің жетекшілігіндегі джаз оркестрінің концертіне шақырады. Кештің ерекше атмосферасын Қазақстанның еңбек сіңірген қайраткері, композитор әрі пианист Еркен Интыкбаев және оның қызы, талантты пианист Жанель Интыкбаева қалыптастырады. Вокалда – әсем де қуатты дауыс иесі Жібек Айтбаева.

Күні: 29 мамыр

Басталуы: 19:00

Өтетін орны: Иса Байзақов атындағы филармонияның концерт залы

Павлодарда джаз қайта шырқалады. Жаз қарсаңында көрермендерді сөзсіз сөйлей алатын, әртүрлі буын өкілдерін біріктіретін ерекше музыкамен кездесу күтеді. Еркін, жанды, қуатқа толы әрі нәзік лирикамен көмкерілген бұл әуен талғамы жоғары, стильді сезіне білетін, қарым-қатынасты бағалайтын және әрдайым жағымды эмоцияларға ұмтылатын жандардың жүрегінен әлдеқашан орын алған.

«Павлодарлықтар үшін джаз – жай ғана жанр емес, қаланың мәдени жадының бір бөлігі. Оның тарихы 1947 жылдан бастау алады, дәл сол жылы филармонияда алғашқы джаз ұжымы құрылған. Содан бері уақыт өзгерді, кезеңдер алмасты, алайда осы ерекше демократиялық әрі шынайы музыкаға деген сүйіспеншілік тыңдарман жүрегінде сақталып келеді. Бүгінде бұл дәстүрді Виктор Шейкин жетекшілік ететін джаз оркестрі жалғастыруда. Шынайы шеберлерден құралған бұл атақты ұжым Павлодардың мәдени брендіне айналды. Өткен маусымда оркестр өзінің 40 жылдық мерейтойын атап өтіп, өңірдегі ең жарқын музыкалық ұжымдардың бірі екенін тағы да дәлелдеді», – деп атап өтеді Иса Байзақов атындағы филармония.

Мамыр айындағы концерт бағдарламасы әлемдік джаз классикасын және заманауи туындыларды біріктіреді. Мұнда драйв, импровизация және терең эмоциялық бояу үйлесім табады. Тыңдармандар биг-бендтің жарқын партитураларынан бастап нәзік лирикалық шығармаларға дейін, сондай-ақ Еркен және Жанель Интыкбаевтардың туындыларын тамашалай алады.

Кеш қонақтары әртүрлі форматта өнер көрсетеді: атақты «Steinway» роялінде жеке орындау, оркестр сүйемелдеуімен орындау, сондай-ақ халықаралық байқаулардың лауреаты, филармонияның жетекші солисі, әсем әрі қуатты дауыс иесі Жібек Айтбаеваға ұжыммен бірге сүйемелдеу жасайды.

«Fantasy jazz. Дала әуендері…» – бұл көңіл күй концерті, дәстүр мен заманауилық, импровизация мен нақтылық, дала кеңдігі мен қалалық ырғақ тоғысатын музыкалық сұхбат. Танымал оркестр мен виртуоз қонақтар көрерменге джаз өнерінің бар байлығын паш етеді: камералық нәзіктіктен бастап кең тынысты оркестрлік дыбысқа дейін.

Мерейтойлық жылы филармония көрермендерге үздік бағдарламалар мен таңдаулы музыканттармен кездесулер сыйлауда. Бұл кеш – керемет өнерге жақындап, оның шынайы күшін сезінудің тағы бір мүмкіндігі.

МАҢЫЗДЫ! Концерт басталғаннан кейін 10 минуттан соң зал есігі жабылады. Сусындар мен тағамдарды алып кіруге тыйым салынады.

Билеттер: филармония кассасында және Ticketon.kz сайтында

Байланыс: 8 (7182) 22-80-87, +7-775-593-08-97

E-mail: isa.baizakov2012@yandex.kz