2026 жылғы 17 сәуір                                                                       Павлодар қ.

ҰЛЫ ДАЛА RHYTHM

«Нұр» би ансамблінің концерті

Құрметті павлодарлықтар және қала қонақтары!

Иса Байзақов атындағы Павлодар облыстық филармониясы сіздерді Халықаралық би күніне арналған жарқын әрі шабыт сыйлайтын хореографиялық өнер кешіне шақырады.

Күні: 17 сәуір (жұма)

Басталуы: 19:00

Өтетін орны: Филармонияның концерт залы, Назарбаев даңғылы, 1

Көктем – жаңару мен жеңілдік, сұлулық мезгілі. Осындай жылы кештерде өнерге жақындап, өмір ырғағын сезініп, бидің әсеріне бөленгің келеді. Жақсы дәстүрге сай, 29 сәуірде атап өтілетін Халықаралық би күні қарсаңында Павлодардың ең ірі кәсіби хореографиялық ұжымдарының бірі көрермендерге үлкен мерекелік концерт ұсынады.

«Нұр» ансамблі ұлттық дәстүрлер мен заманауи сахналық пластиканың үйлесімі, жарқын образдар палитрасы және мінсіз орындаушылық мәдениеті. Ұжым Қазақстанда және шетелдерде гастрольдермен кеңінен танылған, беделді фестивальдер мен байқауларға қатысып, көрермендер мен кәсіби қауымның жоғары бағасына ие болып келеді.

«Біз жыл сайын Би күнін атап өтіп, әріптестерімізді сахнада бірге осы мерекені бөлісуге шақырамыз. Бұл жолы концертке аңызға айналған «Гүлдер» ансамблінің солисткасы, жерлесіміз, тамаша артист Аққанат Смагулова қатысады. Ол – біздің жақын досымыз. Омбыдағы фестивальде бірге жұмыс істедік. Бізді ортақ шығармашылық көзқарас, мамандыққа деген құрмет және көрермен үшін еңбек етуге деген шынайы ұмтылыс біріктіреді. Би – қуаныш, сұлулық, шабыт және зор ішкі серпін сыйлайды», – дейді ансамбльдің көркемдік жетекшісі, Қазақстан мәдениетінің үздігі Айгүл Даирбаева.

Бұл кеште көрермендерді жарқын хореографиялық қойылымдар шеруі, нәзік миниатюралар мен шақырылған артисттермен әсерлі коллаборациялар күтеді. «Нұр» ансамблі дәстүрді сақтай отырып, батыл ізденістерге барып, сахналық тілдің жаңа формаларын ашады. Әрбір номер – пластика, энергия, мәнерлілік және терең көркем бейне. Сахналық жеңілдіктің артында күнделікті еңбек, сағаттап дайындық, шығармашылық ізденіс пен шабыт жатыр.

«Көрермен жаңа да, бұрыннан сүйікті болған номерлерді тамашалап, басқа өңірлерден келген әріптестеріміздің шығармашылығымен таныса алады деп сенеміз. Бағдарлама баршаңызға жарқын эмоциялар сыйлайды. Кездесуді асыға күтеміз және нағыз мереке тарту еткіміз келеді», – дейді ансамбль артисттері.

Кеш бағдарламасында ұлттық мәдениеттің байлығын және заманауи би өнерінің алуан қырын көрсететін түрлі қойылымдар ұсынылады. Бұл кеш қозғалыс, музыка және эмоцияның шынайы мерекесіне айналады. Би – біріктіреді, шабыттандырады және бөліскің келетін мол энергия сыйлайды. Өнермен үндесетін осы бір ерекше кездесуді жіберіп алмаңыз.

Маңызды! Концерт басталғаннан кейін 10 минуттан соң зал есіктері жабылады. Ішке сусындар мен тағам алып кіруге тыйым салынады.

Билеттер филармония кассасында және Ticketon.kz онлайн сервисінде қолжетімді.

Анықтама телефондары: 8 (7182) 22-80-87, +7-775-593-08-97